عايز تكون روحانى (أستأذن) هى دى الأصول يا ابناء الأصول

عايز تكون روحانى (أستأذن) هى دى الأصول يا ابناء الأصول


بسم الله الرحمن الرحيم


الحمدلله والصلاة والسلام على رسول الله وعلى آله وصحبه أجمعين


هى هديه غريبه شويه بالنسبه للمناسبه يعنى مش باقة زهور بس ده اللى اقدر اقدمه وعلى قدى بقى

ومش عارف ليه بصراحه يعنى مش عاملين عيد أب ماهو طالع عينه طول السنه برضه (هههه)

الأصل فى الطلب هو الاستئذان ده الى اتعلمناه واتربينا عليه من صغرنا

حتى فى العلم الروحانى موجود الاستئذان

طبعا شكلكم بتقولوا عليا ده انسان غريب زى موضوعه

الابن مثلا عندما يريد والده فى موضوع من الطبيعى انه بيخبط على الغرفه تأدبا

برضه طالب الروحانيه مفروض عليه الاستئذان من اصحاب الأمر وهم الملوك الروحانيه

والله العظيم كتير بيدخل رياضات وخلوات واللى بيكتب اشياء روحانيه ومعظمها مبيشتغلش ولا الرياضه بتنفع وكتير بيكون محكوم عليهم بالسنه والاكتر من قبل الروحانيه بعدم قبول الاعمال الروحانيه منهم

لحد ما بيشعروا يقينا ان الفائده ناقصه او غير صحيحه بالمره

وفيهم اللى بيشك فى العلم ده كله وفاكره مجرد كلام وهو معزور برضه كل مايجرب حاجه متشتغلش ويقعد يقرا وكأنه يؤذن فى مالطه ولا حياة لمن تنادى

والمفروض على طالب العلوم الروحانيه الشامله(مش روحانية القرأن الكريم لان العمل ده مش شرط عشان تقبل اعمالك الروحانيه بالقرأن الكريم) وكويس انى وضحت ده عشان محدش يعلق لى المشنقه

المفروض انه يعرف هل هو اصلا مقبول لدى الروحانيه ام لا ام هل محكوم عليه بعدم قبول الاعمال لانه اوقات الطالب بيعمل رياضات مختلفه ويخرج منها قبل اتمامها او يخلط بين الاذكار وماشابه فيتم الحكم عليه بالغلق

وبما انى هبعد عنكم وعن المنتدى والحقيقه هو شئ صعب بس على قد ما أقدر هبعد والله المعين
حبيت اهديكم هذا العمل

المهم يعنى انا عايز أجيب من الأخر وادخل فى الموضوع لانى اتكلمت كتير ودى حاجه بتضايقنى شخصيا

من النادر جدا يكون فى حد هنا لم يقرأ كتاب شموس الانوار لابن التلمسانى رحمه الله تعالى

وللعلم الكتاب ده الناس اللى بيطبعوه على مدى السنين مدمرينه تدمير شامل (نووى)

حتى المخطوط بتاعه اللى مكتوب بالقلم المغربى مش الاصلى بتاع المؤلف ابن الحاج ومش بخط يده
عشان الصوره تكون واضحه
والمخطوطات الصحيحه مختومه من الجن نفسهم وعليها رصد ومش اى حد بيحصل عليها عشان تريحوا نفسكم من جمع المخطوطات اللى عامله زى قصة علاء الدين والمصباح السحرى اللى درسناها فى ابتدائ

المهم هناك خلوه فى الكتاب المذكور تفيد بان من يريد الدخول لعلم الروحانيه وسر الكتابه لابد من العمل بها
بس طبعا مكتوب انك تقرأ الايه 900 مره خلف كل صلاة لمدة 9 ايام
ونفس الفايده هتلاقيها فى طبعه اخرى تقرأها 700 خلف كل صلاه لمدة 7 ايام
يعنى من الاخر شوف عدد القرائه من غير اصفار وخد الباقى ايام هنشيل صفرين يبقى 9 او 7

وطبعا ده كلام ناس محرفين وجاهلين وكل واحد بيطبع الكتاب عايز يبين نفسه هو الصح للناس واللى قبله غلط

العدد الصحيح هو 1000 مره

خدوا بقى زى انا ما عملت وعلى فكره الخلوه دى صعبه وعايزه شخص عنده صبر جميل مش بيزهق بسرعه عشان نبقى واضحين من الاول ومحدش يتعب على الفاضى وغير انه يكون من المطيعين اوى وجدا وخااااااااالص


تصوم لله تعالى 7 ايام بنية رضاه وتوفيقه لك طبعا لازم تكون متريض عن الارواح والبصل والثوم والكرات والخل
(كلام محسوم امره) من الاحد الاول فى الشهر العربى

وتدخل الخلوه ليلة الاحد (السبت ليلا بعد صلاة العشاء) ويكون معاك بخور اللبان الذكر وده مش مذكور فى الكتاب برضه( وزى ما قلنا مالناش دعوه بالكتب والكلام الفارغ ده واللى عاجبه اللى فى الكتب يبقى يقابلنى ان نفع فى عمره) وافهم ان كنت ذا عقل

والخلوه طبعا مافيهاش جنس شئ الا فرشتك على الارض يعنى متلاقيش فيها كرسى يا حبيبى
طبعا تدخل الخلوه وتنوى التوبه النصوحه وتصلى لله تعالى ركعتين الاولى بالفاتحه والانشراح والثانيه بالفاتحه والقدر وبعد التسليم والتسبيح على قد ما تقدر استغفر الله تعالى وصلى على حبيبه وحبيبك سيدنا محمد صلى الله عليه وعلى اله وصحبه وسلم

المهم بعد كده عندما يدخل عليك وقت صلاة الفجر تتوكل على الله تعالى وتصليه وتتحصن باية الكرسى الشريفه
احدى وعشرين مره بنية الحفظ والتحصين

ثم تصرف العامر بالزلزله سبع مرات وتكرار اللفظ الشريف( اشتاتا ) ثلاث مرات
والتوكيل الاتى (انصرفو ايها العمار والجان الساكنين فى هذا الدار حتى اقضى حاجتى وانتهى من عملى وساعدونى فى قضائه ولا تفسدوه ثم عودوا الى اماكنكم بعد انتهاء العمل وقضاء حاجتى ولا تتخلفوا عن الانصراف والا يرسل عليكما شواظ من نار ونحاس فلا تنتصران. انفروا خفافا وثقالا بالف الف لاحول ولاقوة الا بالله العلى العظيم بارك الله فيكم وعليكم ولابارك الله فيمن عصى اسمائه واياته الوحا الوحا العجل العجل الساعه الساعه )

وهذا الاصراف بعد كل صلاه قبل القرائه وبعد التحصين

ثم تشرع فى اشعال البخور وتقرأ الأيه الكريمه ((وكذلك نرى ابراهيم ملكوت السماوات والارض وليكون من الموقنين)) الف مره خلف كل صلاه والبخور شغال


* ملحوظه ونصائح :-

اوعى وانت فى الخلوه يكون فى صوت داخلها اوصور او اشياء معدنيه او ملح
يعنى المكان يكون هدوء تماما

ان سمعت اى حاجه او شفت اى شئ كبر دماغك ومتخافش محدش هيقدر يعملك حاجه اصلا انت معاك اية الكرسى وطاعتك لربك
بس ان حصل وشفت او سمعت حاجه وقمت وجريت او قعدت تصوت يبقى الله يعينك على الى هيحصلك وانت وبختك
والكلام ده لأى خلوه مش لدى بس مع ان الموضوع ده مش هيصل فى هذا العمل الا نادر جدا وهيكون من العوارض الروحانيه

واعرف ان ممكن يجيلك فى المنام اللى يهبط عزيمتك ويخليك تسيب الخلوه وتقطع العمل يعنى مش لازم تخويف وهما اصلا مبيخوفوش الا اللى هما عارفين انه بيخاف لانهم عارفين ان ده هيجيب معاهم نتيجه

ولازم تكون صبور ومتستهونش بالورد ده فى الخلوه وتفتكره سهل والله صعب واسأل مجرب واول مره اعمل بيه خرجت تانى يوم

لازم تغتسل كل يوم ويكون لبسك ابيض بس
تكثر فى غير اوقات القرائه من الصلاه على الحبيب

وان خفت وانت قاعد داوم على قرائة الكرسى فى السر بقلبك يعنى وجمد قلبك والموضوع مافيهوش خوف بس انا بقول كل الاحتمالات واللى بيخاف من عفريت يطلعله

وخدها نصيحه اوعى يكون فى مخيلتك ان ممكن يظهرك مخلوق بشع الصوره لانه هيحصل لكن تخيل انه هيحضرلك مخلوق جميل الصوره واقنع نفسك انك مش جبان وانه مفيش داعى للخوف بقولك ده كله لان الجن بيعرف اللى انت بتفكر فيه من غير ما تقوله

اوعى تنام ليلا الا لما يغلبك النوم وواوعى تتجنن وتنام على جنبك يبقى بتضيع نفسك لانه لو حد حضر وانت نايم بالصفه دى بيعتبروها اهانه ليهم وممكن يعملوا فيك حاجه وده بجد وحصلت مع قريب لجدتى ومات

هتقولي ازاى انام وانا قاعد هقولك بص ياسيدى هات وسادتين كبار شويه وعاليين بحيث انك تبقى قاعد مربع وساندعلى واحد بذراعك اليمين والثانيه بذراعك الشمال وساند ظهرك على الحائط وده اللى انا بعمله ساعات (وله فى خلقه شئون)

انا بصراحه زهقت من نفسى اتكلمت كتير بس الموضوع يستاهل بجد انى اطول فيه فاعذرونى على الاطاله

وانسى موضوع ان علامة الحنه اللى هتلاقيها قى كفك على اساس انها علامة الاجابه لقبولك من الروحانيه

هى بس العلامه الوحيده لنجاح وقبول عملك ولكن ربما يحدث حضور معك فى اليقظه والمنام بكثره


انا بصراحه زهقت من نفسى اتكلمت كتير بس الموضوع يستاهل بجد انى اطول فيه فاعذرونى على الاطاله

بس لى رجاء عندكم اتمنى ان لو كان فيه حد هيرد على موضوعى ويقولى انت بتألف زى ما حصل قبل كده

يتكرم ويحتفظ برأيه لنفسه افضل له ولى وللجميع لانى كتبت الموضوع ده عشان اللى عايزين يتعلموا بجد ومش داخلين يهزروا ويشككوا ويستهزؤا
والى شايف انى بألف يخليه مع المخطوطات الجميله بتاعته وهدعيلوا انها تنفعه وهيهات وهيهات وهيهات ان تنفع احد
يا احبابى اسرار هذا العلم اكبر بكتير من انها تتكتب فى كتب وتعرض للعامه

كل شيخ او عالم قام بتأليف مخطووط وضع اربع خمس فوائد صحيحه وكامله وباقى الصفحات ناقصه ولغوذه لانهم بيكتبوها لمشايخ ومتمرسين زيهم مش مستجدين ( وربنا اعطانا عقل وكرمنا بيه وبالتالى لازم نفكر ونفكر صح)

واخيرا هتوحشونى جدا وربنا يوفقكم جميعا ان شاء الله تعالى وكل عام وانتم بخير اخواتى الامهات الفاضلات المتواجدين فى هذا البيت الكريم

وشكرا جزيلا لكم لتعبكم على قرائة موضوعى هذا وان حبيتوا تدعولى يبقى كرم منكم وفضلز

الله يجزيك خير الجزاء
ويكتب لك الاجر ..

بارك الله فيك اخي المناجي

مشكور اخى وفعلا كلامك صحيح ولابد فعلا من اخذ الاذن الروحانى والله يزيدك من العلم كمان وكمان والف شكر ليك على مجهودك

و الله يا أستاذ ناجي عز علي أن أقرأ الموضوع و أغادر من غير أن أشكرك
و هاذا الموضوع يدل على كرم نفس منك و حب لجميع إخوانك في الله
بارك الله فيك و في عقبك إلى يوم القيامة

تسلم ايدك فعلا موضوع جميل جدا وبارك الله فيك
اللي قلبه ضعيف بلاش يعمل اي حاجة بجد

جزاك الله خيرا

جزاك الله خيرا وشكر الله لك. لكن ماهي المدة المقدرة لهذا العمل؟

.............................................................................

ابداع وعلم نافع
جزيت الجنة والثواب
لاحرمنا الله من العطاء

جزاكم الله خير
بوركتم
شكرا لمروركم الرائع
ولتعليقاتكم الأروع..

مع خالص تقديري

السلام عليكم كل ما كتبت ان كان صحيح فلا يوجد من يقدر على العلم لكن من وجد شيخا ناصحا والله يسهل عليه العلم والله لقد فى العلم الكلام عليه فى النت وكثره الفوايد بدون فايده والله العظيم وكثر المدعون فاين الشيوخ الصادقون ولاحول ولا قوة الا بالله العلى العظيم اللهم يا قبله كل مريد بلغنى ما اريد اللهم يا قبله كل قاصد بلغنى المقاصد شكرا يا احباب الله

جزاك الله خيرا .. التنفيذ صعب جدا