مملكة الدالي للروحانيات والحكمة *** الكشف والعلاج المجاني والمتابعة وعلاج كل الامراض الروحية eddouali@hotmail.com = 0021698814085

الله ٍالله يَامَوْلايَا رَكَبْ الحَجَاجْ سَارْ اليَوْمْ
خَلاوْ نَارْهُمْ فِي حْشَايَا خَلاوْ خاطْرِي مَهْمُومْ
مِنْ حُبْ صَاحَبْ النِهَايَة يَاسِيدْنَا اشْفِيعْ الْقَوْمْ
سَهْرَانْ عَيْنِيِ مَاَ تَنْسَاهمُ يَالتْنِي أَمْشِيتْ أَوْرَاهُمْ
وَانْكُونْ فِي البَقِيعْ مَعْاهُمْ ْ وَانْزُورْ قَبْرَكْ يَاقَيُومْ
أَنْتَ طَاَلبْتِي وَارْجَياَ وَانْتَ طَبِيبْ اللِي مَسْقُومْ
أَيزِيدْ شَوْقِي لِلْعَدْنَانِي وَالقَلَبْ طَاَرْ بَلا جَنْجَاِني
فِي سِيدْنَا لَمَا نَسَانِي ذَا عَاشْقَكْ مَا اعْلِيهْ اللُومْ
وَالنَارْ لاهْبَة دَخْلانِي وَالقَلَبْ حَاسُوا مَحْطُومْ
يَارَبَنَا وَانْتَ الجَلالِي وَانَاَ طْلَبْتَكْ تَقْبَلْهَاِلي
وَانْزُورْ النَبِي وَالآلِي يَبْرَى الضُرْ اِلِي مَكْتُومْ
وَانْشُوف صَاحَبْ المَعَالِي مَنْ شَفْتُو قََلْبِي مَحْرُومْ
يَارَبِ تَقْبَلْ ذَا الطَلْبَة وَانْصِيبْ رَاحْتِي فِي الكَعْبَة
وَاَنْزُورْ سِيدِي مُولاَ طَيْبَة يَاقُوتِي انْهَارْ الشُومْ
يَشْفَعْ بِيِنَا يَوْم القَلْبَة وَعَاِري اعْلِيكْ يَامَعْلُومْ
مَنْ جَابْ شُعْرُ بَاقِي يَنْجَي عِنْدَ الرَسُولْ يَلْقَى المَلْجَا
يَوْمَ الحِسَابْ بَاحْسَنْ دَرْجَة يَوْمْ العَرَقْ بَحْرْ أَنْعُومْ
يَوْمْ الصِرَاطْ يَوْمْ الهَرْجَة وَلاحَدْ يَدْرِي بَالْمَقْسُومْ
مُحَالْ مَانَنْسَاشْ بَلادِي شَرِيفْ مَنْ عُشَاق ْالهَادِي
الهَامَلْ وَطْنِي وَبَرْ أسْيَادِي جَدِي الوَالِي بَنُ قَسُومْ
صَلُو أعْلِيهْ مُحَمَادِي وَيَاسِيدْنَا أشْفِيعْ القَوْمْ
نَخْتَمْ كَلامِي بِالْبَسْمَلَة سُبْحَانْ صَاحِبْ الجَلالَة
صَلُو عَلَى مَوْلَى الِرسَاَلَة قَدْ أَسْحَابْ قَدْ أغْيُومْ
قَدْ الصُّلاحْ وَالبُدَالَة عَدَدْ الايَامْ وَالنُّجُومْ