مملكة الدالي للروحانيات والحكمة *** الكشف والعلاج المجاني والمتابعة وعلاج كل الامراض الروحية eddouali@hotmail.com = 0021698814085

بسم الله الرحمن الرحيم
صلاة وسلام على سيد الرسل النبي الكريم
محمد وعلى آله وصحبه الاولين والآخرين
هذه قصص عن عظمة سورة يس مروية على لسان اصحابها
............................................................
بيوم من الايام كنت قاعدة مع احد مشايخ الدين وكانت معاي بنت
خالتي هذا الشيخ يدرس بجامعة الازهر وبنفس الوقت هو امام مسجد(وهذا الشيخ قوي في فك السحر).

سألناه شلون قدر يوصل لمرحلة انه يفك السحر لمدة اسبوع.....
قال لي بسورة يس..... سألناه شلون
يقول كان عنده صديق من المغرب يعرف انه يفك السحر(معروف عن المغربيين بالسحر وفك السحر) وراح معاه المغرب علشان يتعلم طريقة فك السحر...يقول الطريقة اللي كانوا يعرفونها (طبعا مشايخ الدين اللي بالمغرب وليس المشعوذين) لهم طريقة معينة بفك السحر عن طريق سورة يس ومو اي احد يقدر يسويها اللا اللي يوصل لها بيقين ..... سألناه شلون .....
قال: أول ما رحت هناك طلبوا مني اني اقرا سورة يس 40 مرة كل يوم ( كان يجزءها 10 مرات على 4 فترات)وقريتها لمدة شهرين...
وقال: وعلشان يكون لي روحانية في القراءة ما كنت آكل اي شي غير فول وزيت زيتون(لدرجة ان صار عندي هبوط) ....
يقول بعدها: رجعت مصر من اول ليله نمت فيها في البيت حلمت في واحد كان لابس لبس ابيض وواقف على راسي بس هذا الشخص كان على ويه نور .....
يقول: اسلوبي في ديرتي تغير وايد تقريبا صرت انطوائي يعني بس ساكت وكله كنت قرا قرآن بنفس الطريقة لما كان بمغرب.... اهلي لما شافوني بهذي الحاله خافوا علي... خذوني عند واحد (مسمي نفسه شيخ) يقول اول ما رحت عنده وسلم علي باليد ايده على طول طارت الصوب الثاني وطقت بالطوف يقول انا انصدمت بروحي من اللي صار ولما هذا الشيخ قام من مكانه بعد ما طاح طيحة قوية قال لي اطلع برة ولا ابي اشوفك .....قال من يومها عرفت ان هو يتعامل مع الجن والشياطين ..... لكن انا بفضل الله اكتسبت خادم سورة يس وهو اللي ردهم عني (الملائكة والشياطين لا يمكن انهم يجتمعون ابدا)....
وبصراحة قال لنا اكثر من قصة عنه..... وانا ما قدرت غير اني اسمع القصص وفعلا اندمجت معاه بدرجة كبيرة لانها قصص مؤثرة وهو قال بكل ثقة انه ما في اي ساحر يقدر عليه بأذن الواحد الأحد....
المهم لما خلصنا من عند الشيخ انا وبنت خالتي قالت لي بالنسبة لكلامه عن سورة يس انا مصدقته لان صار فيني تقريبا نفس الشي.... سألتها شلون ؟؟؟؟
قالت لي انا كنت اقرا سورة يس بعد كل صلاة لدرجة اني حبيت فعلا احب قراتها وما امل منها ... يعني تقريبا كنت اقراها كل يوم باليوم من 10 -12 مرة ....
تقول لي لما كنت اقعد مع البنات بالدوام كان يصير معاي مثل حالة تنبؤات يعني كنت اعرف منو الشخص اللي راح يدش علينا الحين وشنو لابس.... ادري ان هذا التلفون راح يرن الحين ... واي سالفة كانت تنقال بالهمس ما بين شخصين كنت اسمعها وانا بعيدة بشكل واضح عن بعد 10 امتار... يعني كأن اذوني تصير مثل مكبر صوت واسمع بوضوح تام .... حتى لو كنت نايمة وفي اشخاص يتكلمون عني في نفس البيت ... وانا بفراشي كأن في شي يصحيني من النوم واسمع كل شي نقال عني وبعدها ارد انام .....
وبعدين البنات اللي معاي بالدوام لاحظوا كل شي علي وقالوا انتي شفيج انتي مو طبيعية ... المهم تقول انا قلت لهم ما ادري شنو اللي صاير معاي...
تقول في وحدة من البنات قالت لي تعالي انا راح اعرف انتي شنو فيج (البنت اللي قالت لها هالكلام الظاهرملبوسة بالجن)تقول قعدت جدامي وقعدت طالع عيوني حاولت تعرف شنو فيني تقول ماقدرت تقول خافت مني وقالت لي ما ادري شنو فيج انتي صعب الواحد يعرف شنو فيج وتكلمني وهي خايفة وبعدها هدتني ومشت....
تقول بعدها رحت انا والبنات اللي معاي بالدوام عند وحده هذي الوحدة تقرا الفنجان تقول مسكت فنايين البنات كلهم وقرت لهم وظليت انا بالاخير الحين مسكت الفنجان مالي قعدت اطالع تقول ما اقدر اقرا لج سألتها ليش انتي قريتي حق البنات كلهم وييتي لي انا ما تقدرين ؟؟؟؟ قالت لها فنجانج محجوب عني بس كل اللي اعرفه انج مطلوبة حق سورة يس...
تقول بعدها من تزوجت ولهيت بأمور الزواج والبيت تقول شوي شوي راح مني الحاله اللي كنت فيها لما كنت اقرا سورة يس...
انا صراحة قعدت افكر بكلامهم وايد وتمنيت اني اصير مثلهم ... قبل كنت اقرا سورة يس مرة باليوم فقط.... بس من سمعت كل اللي صار معاهم قمت اقرا سورة يس 5 مرات باليوم...ما قدرت اقرا اكثر لان الظروف مو مساعدتني....
بس الحمد الله الخمس مرات يايبيه معاي نتيجة
1- اول شي صلاتي (خلتني احب الصلاة واحافظ على وقتها)
2- اغلبية الاوقات كنت عصبية واتنرفز بسرعة (الحين اتحكم عدل بالعصبية واضبط نفسي )
3- اخلاقي تتحسن ما بين الناس وعلى طول الابتسامة في ويهي(وكأن الحياة حلوة) وعمري ما اكشر بويه احد
4- طولة بال مع الناس واسايرهم ولا ابي ازعل احد
5- نسيان اي شي كريه بالدنيا وبس الأشياء الحلوة هي اللي اتيي في بالي (يعني لو كنت تكره شخص ولا تبي تشوفه من كثر عمايلة ، سورة يس تخليك تتذكر الاشياء الحلوة اللي بينك وبينه وتشتاق تشوفه)
6- الخجل والحياء أكثر من قبل لدرجة ان الشخص اللي جدامي يشوف احمرار الويه
7- الهدوء والسكينة والاطمئنان ويبعد الخوف عني(يعني صج تقوي القلب)
8- ملامح ويهي تتغير للاحلى
9- وأهم شي شدتني بسورة يس خلت شخصيتي قوية وتتغلب بفكرى على اللي جدامي اذا كان في حوار بيني وبين شخص
10- سورة يس بسرعة تخليني اتذكر الأشياء وتفتح العقل
بس القراءة لها شرطينhttp://www.yazeinab.com/vb/images/smilies/huh.gif
اول شي توجه صوب القبلة
ثاني شي لما تقرا سورة يس اقراها بصوت مسموع (يعني لا همس ولا عالي وايد بصراخ)،يعني لازم انت تسمع انت شنو قاعد تقول ولازم عينك علىكل كلمة بالقرآن وتركز يعني حاول انك ما تسرح... وراح تشوفون النتيجة باذن الله...
وكل الاشياء اللي قلتها عن سورة يس انا مجربتها بنفسي وبدون مبالغة انقلها لكم علشان ابيكم انتوا بعد تستفيدون من سورة يس.....
يعني انتي يا الام خلي بناتج يقرون سورة يس علشان الادب والاحترام طابعهم
وانت يا الابو علم عيالك على سورة يس علشان يحبون الصلاة ولا يهدونها
وانت يالطالب اقرا سورة يس علشان ما تنسى اي شي من اللي قاعد تدرسة
وانت يا البنت اقري سورة يس علشان تكونين محبوبة بين الكل واخلاقج عالية
وانتي يا الزوجة اقري سورة يس علشان لاتشيلين طابع الحياء والخجل جدام زوجج ابدا وتحترمينه على طول
وانت يالزوج اقرا سورة يس علشان الله يحفظك ويحفظ بيتك من كل شر

01222